Yours Always - 《別人的》電影《孤味》片尾曲, 詞：徐若瑄 曲：陳冠甫, Cello Cover 大提琴演奏 《孤味》電影片尾曲 『cover by YoYo Cello』

別人的 (Yours Always) - 電影《孤味》片尾曲 〈別人的〉是徐若瑄親自創作、獻給已逝父親的歌曲，也是她首次使用閩南語的填詞作品，全曲從創作到完成、甚至歌名的定案，徐若瑄都感受到徐老爹在冥冥之中與她相伴。歌詞版 MV 視覺延續由新銳插畫家鄭曉嶸繪製的父親畫像，並將 Vivian 身著婚紗的唯美畫面結合閃爍星空，配上歌曲旋律動態，更顯高雅氣質。影片結尾處將單曲封面中暗藏的小巧思拉近，插圖中父親肩上的三人，實為徐若瑄結婚當天與夫婿一同幫爸爸繫領帶的回憶畫面，溫馨細節，也將父女感情展露無遺。 別人的 詞：徐若瑄 曲：陳冠甫 《別人的》Pa̍t-lâng-ê (Yours Always) - 徐若瑄 Tshî Jio̍k-suan (Vivian Hsu) ------------------------------------------ 汝笑微微 lí tshiò bî-bî 叫阮放心去 kiò gún hòng-sim khì 我知影 guá tsai-iánn 你毋甘阮離開 lí m̄-kam gún lī-khui 你講全世界 lí kóng tsuân sè-kài 阮上可愛上媠 gún siōng khó-ài siōng suí 恬恬講白賊的人 tiām-tiām kóng-pe̍h-tsha̍t ê lâng 毋甘阮 m̄-kam gún 請汝著愛照顧 tshiánn lí tio̍h-ài tsiàu-kòo 照顧汝家己 tsiàu-kòo lí ka-tī 我知影 guá tsai-iánn 汝毋甘阮離開 lí m̄-kam gún lī-khui 汝講人生無願望 lí kóng jîn-sing bô guān-bāng 哪有趣味 ná-ū tshù-bī 半好半䆀 puànn-hó puànn-bái 攏是滋味 lóng-sī tsu-bī 今仔日 kin-á-ji̍t 汝牽阮的手 lí khan gún ê tshiú 汝疼阮的心 lí thiànn gún ê sim 我攏知影 guá lóng tsai-iánn 阮毋是別人的 gún m̄-sī pa̍t-lâng ê 免煩惱傷心話 bián huân-ló siong-sim uē 我永遠是汝的 guá íng-uán sī lí ê 是汝的寶貝 sī lí ê pó-puè 明仔載 bîn-á-tsài 換我牽汝的手 uānn guá khan lí ê tshiú 我疼汝的心 guá thiànn lí ê sim 予你知影 hōo lí tsai-iánn 阮毋是別人的 gún m̄-sī pa̍t-lâng ê 免感覺會歹勢 bián kám-kak ē pháinn-sè 我永遠是汝的 guá íng-uán sī lí ê 是汝的心肝仔寶貝 sī lí ê sim-kuann-á pó-puè 車直直開 tshia ti̍t-ti̍t khui 未來佇佗位 bī-lâi tī tó-uī 我毋願 guá m̄-guān 汝看見阮的面 lí khuànn-kìnn gún ê bīn 汝講人攏會分開 lí kóng lâng lóng ē hun-khui 早慢的代誌 tsá-bān ê tāi-tsì 恬恬流目屎的阮 tiām-tiām lâu ba̍k-sái ê gún 毋甘汝 m̄-kam lí 放汝的歌 pàng lí ê kua 是阮咧想汝 sī gún teh siūnn lí 我上愛汝唱歌的聲音 guá siōng ài lí tshiùnn-kua ê siann-im 汝講人生愛歡喜 lí kóng jîn-sing ài huann-hí 才有趣味 tsiah ū tshù-bī 是好是䆀 sī hó sī bái 攏是家己 lóng-sī ka-tī 今仔日 kin-á-ji̍t 汝牽阮的手 lí khan gún ê tshiú 汝疼阮的心 lí thiànn gún ê sim 我攏知影 guá lóng tsai-iánn 阮毋是別人的 gún m̄-sī pa̍t-lâng ê 免煩惱傷心話 bián huân-ló siong-sim uē 我永遠是汝的 guá íng-uán sī lí ê 是汝的寶貝 sī lí ê pó-puè 明仔載 bîn-á-tsài 換我牽汝的手 uānn guá khan lí ê tshiú 我疼汝的心 guá thiànn lí ê sim 予汝知影 hōo lí tsai-iánn 阮毋是別人的 gún m̄-sī pa̍t-lâng ê 免感覺會歹勢 bián kám-kak ē pháinn-sè 我永遠是汝的 guá íng-uán sī lí ê 是汝的寶貝 sī lí ê pó-puè 明仔載 bîn-á-tsài 換我牽汝的手 uānn guá khan lí ê tshiú 我疼汝的心 guá thiànn lí ê sim 予汝知影 hōo lí tsai-iánn 阮毋是別人的 gún m̄-sī pa̍t-lâng ê 免感覺會歹勢 bián kám-kak ē pháinn-sè 我永遠是汝的 guá íng-uán sī lí ê 是汝的心肝仔寶貝 sī lí ê sim-kuann-á pó-puè